Mishandeling vind plaas as die oortreder mag oor die slagoffer uitoefen op so ‘n wyse dat die verhouding, veiligheid en vryheid bedreig word. Behalwe vir fisiese mishandeling, is daar ook verbale, sosiale, emosionele, seksuele of ekonomiese vorme.

Tekens van emosionele mishandeling is dat die slagoffer hom/haar begin isoleer of gedwing word om haar van ander mense te isoleer, ‘n lae eiewaarde openbaar depressief raak en emosionele onstabiliteit toon.

Mishandeling vind plaas deur onder meer konstante intimidasie en kritiek, vernederende name, herhaalde dreigemente van geweld of emosionele afpersing soos dat hy haar gaan verlaat.

Hoe lyk die mishandelaar:

Dikwels selfgesentreerd, dikwels baie sjarmant voor ander mense, hulle voel die wêreld skuld hulle iets, moeilike persoonlikheid wat alles persoonlik opneem, moet altyd in beheer wees en het nodig om ander te verkleineer sodat hulle beter oor hulself voel. Nog kenmerke is sarkasme, druk intense emosies uit in die vorm van woede, aggressief, kan nie emosioneel gewys kommunikeer nie, lae selfbeeld en neem nie verantwoordelikheid vir enigiets nie.

Wat staan die slagoffer te doen?

Moenie dit toelaat nie! Deur stil te bly stuur jy die boodskap dat jy dit selfs goedkeur. Sit jou voet neer sodat die mishandelaar weet sy optrede word NIE goedgekeur nie. Stel jou grense duidelik en soek hulp!

Jy is 100% verantwoordelik vir jou eie geluk en as jy kinders het, ook hulle eie geluk en toekoms wat net soos joune deur sodanige persoon opgeneuk sal word en as jy DIT toelaat is my persoonlike mening dat jy nie die naam ma werd is nie.

Verhoudings Kategorie