Gevolge Van Emosionele Mishandeling

Category: Verhoudings

Date: 2014-04-28

Likes: 167

Jy sien en ervaar die lewe as onstabiel met weinig sekuriteit. Leef in angs, spanning en vrees en weet nooit wat om

Verhoudings   Kies Hieronder Giftige Verhoudings In Perspektief Kenmerke Van N Psigopaat Psigopate In Die Samelewing Wat Is Die Waarheid En Werklikheid Mishandeling Innerlike Krag En Sterkte Invloed Van Emosionele Mishandeling Mans Keuses En Gevolge Liefde Verander En Regkom Nog N Giftige Verhouding Wat Is Emosies En Gevoelens? Beginsels En Grenslyne Die Ware Krag En Genade Werklikheid En Verdraaide Werklikheid Kinders En N Giftige Verhouding Giftige Versus Normale Verhouding N Olifant In N Week Ingebreek Liefde Versus Liefde Nog N Giftige Verhouding (vertaal) Dwelms En N Giftige Verhouding Werklike Voorbeeld Van N Giftige Verhou Gewoonte Die Bondgenoot Van Giftige Die Regstelsel En Giftige Verhoudings Ouers Is Ook Te Blameer Mishandeling En N Kind Se Ontwikkeling Geloof Hoop En Liefde Kinders Dissipline En Liefde Geestelike Gevolge Van Mishandeling Gesonde Verstand Misdaad Onder Liefde Se Vaandel Valse Werklikheid Gevolge Van Emosionele Mishandeling Die Klein Jakkalsies Liefde - Vriend Of Vyand N Uitdaging Aan Elke Vrou Die Wonder Van Keuse Kommunikasie In Verhoudings Die Behoefte Aan Liefde Kinders Die Werklike Slagoffers God En Die Huwelik Om Te Verander Of Nie Goeie Of Giftige Verhouding Met Tyd Perspektief En Realiteit Bereiking Van Volle Potensiaal So Bietjie Met Die Dames Baklei Annoniem Oor Giftige Verhouding Giftige Verhoudings En Selfstandigheid Die Twee Gebooie Wat Eintlik Drie Is Erger As Molestering En Verkragting

• Jy sien en ervaar die lewe as onstabiel met weinig sekuriteit
• Leef in angs, spanning en vrees en weet nooit wat om te verwag nie
• Jy is constant bewus van ander se optrede teenoor jou en reageer met hipersensitiwiteit en vyandigheid
• Jy leer om jouself gedurig te bevraagteken, met gevolglike verwarring en gevoelens van ontkoppeling/afstand van jouself en ander
• Dit lyk asof jy niks meer reg kan doen nie – onsekerheid, skuld en skaamte volg
• Ander vertel jou dat jy altyd verkeerd is – besluiteloosheid en passiwiteit volg
• Jy het nie meer die energie om alles te beveg nie – apatie en depressive volg
• Jy voel jy is klaar met alles – woede en selfmoord gedagtes volg
• Dit lyk asof niks en niemand regverdig tenoor jou is nie – om reg en geregtigheid te laat geskied, is al waarop jy fokus
• Wanneer jy seergemaak is deur diegene wat jy liefhet, beskou jy liefde as ‘n risiko
• Wanneer die lewe pynlik is, word dwelmverslawing aanvaarbaar, omdat dit die pyn verdoof
• Wanneer jou gedagtes deurmekaar en chaoties is, breek dit die liggaam en sy sisteme stelselmatig af
• Wanneer jou innerlike spanning uiterlike stress tot gevolg het, word bestaande verhoudinge bedreig
• Wanneer jy nie meer jou negatiewe emosies kan beheer nie, word jy die teiken van selfhaat
• Ten diepste ontneem emosionele mishandeling jou van jou ervaring van sekuriteit en waarde
• Asgevolg van sulke emosionele mishandeling kan jy nie meer jou eie kinders se belange verdedig en beskerm nie
• Net soos jy emosioneel mishandel word sal die kinders ook mishandel word en dit die res van hulle lewe skaad

GEBREK AAN EMOSIONELE SEKURITEIT

Een van die diepste behoeftes van kinders is konsekwentheid, insluitende die defnitiewe wete dat hulle onvoorwaardelik aanvaar en gewaardeer word deur hul ouers.

Met emosionele mishandeling van 'n ouer en hulself leer kinders vroeg dat enige iets moontlik kan wees. Hulle weet nooit die uiteinde van n situasie nie. Daar is geen grense of voorspelbaarheid van gedrag wat op hulle gerig is of houdings teenoor hulle nie. Waar geen grense is nie, is geen sekuriteit nie. Verwydering of afwesigheid van grense, skep vrees.

As ‘n kind in ‘n huishouding leef waar daar geen grense vir volwasse gedrag is nie, is vrees die onmiddellike gevolg. Die kind leer om die skielike en gewelddadige te verwag. Fisieke of verbale aanvalle is enige tyd moontlik. Uit selfbeskerming leer hulle om dit ongesiens te laat verby gaan. Die lewe is veiliger en makliker so.

Vrees /Angs

‘n Verlies aan sekuriteit lei tot ‘n konstante gevoel van angs of vrees. Daar is voortdurend vrees vir die omvang van mishandeling en hoeveel skade dit gaan aanrig.

Skuld / Skaamte

Die rede vir mishandeling word dikwels deur die oortreder gegee as: jy is sleg, dom, lelik, nie welkom nie, verkeerde geslag, verkeerde ouderdom, verkeerde persoonlikheid. Bloot net enigiets wat verskil van die oortreder se siening van wat "perfek" volgens SY smaak moet wees. Wat ook al die rede, jy is te blameer vir wat met jou gebeur. Jy is die skuldige, die oorsaak van die mishandeling.

Dit is egter nie ware skuld nie. Ware skuld is as gevolg van ’n realisties begrip van jou eie aandeel. Vals skuld is ’n neerdrukkende las gebaseer op leuens, idees en houdings van ander. Emosionele mishandeling voed al die verwarrende boodskappe na jou kop en solank jy die afhanklike slagoffer bly, veroorsaak dit intense, verlammende pyn.

Vir die emosionele mishandelde word ’n gevoel van skaamte gebore uit ’n gevoel van vrees vir die wêreld en vir wat dit mag inhou. Aanvanklik maak dinge nie sin nie, maar dan neem skuld oor. Jy voel verantwoordelik. Jy word vertel jy is verantwoordelik. Jy begin glo slegte dinge gebeur met jou omdat jy sleg is. Dit maak vreemd sin. Deur die skuld te voel en te glo, probeer jy eintlik om weer beheer oor jou lewe te neem.

Vir kinders is dit ’n baie normale reaksie om te dink: Ek is skuldig aan die slegte dinge wat met my gebeur, so al wat ek moet doen, is om my gedrag te verander, my voorkoms, my gewig – om die slegte dinge te laat stop. As ek kan wees wat jy wil hê ek moet wees, dan sal jy my liefhê. Kinders sal enige iets doen om die mishandeling te laat stop, Hulle lyk op die oog af na model kinders: inskiklik, stil, uitermate volwasse. Ouers prys dan hul gedrag en die kind begin hoop dat hy/sy die metode gevind het om die mishandeling te stop, deur iets en iemand te wees wat hy/sy nie is nie.

As die mishandeling egter oor ’n lang tydperk aanhou, begin die kind sy hart verhard. Hoop vervaag, teleurstelling lei tot frustrasie en woede en bitterheid vind ’n vashou plek. Die hoop was vals en die verwagting gaan verlore. Dit het nie gewerk nie. Die mishandeling gaan voort, teleurstelling en bitterheid is nou die vyand.

Woede

Sonder sekuriteit, is vrees deel van elke dag. As skuld en skaamte die gees neerdruk en hoop word vervang met moedeloosheid, is al wat oorbly om te probeer oorleef en woede. Dikwels word die woede na binne gerig. Omdat hy/sy daagliks gebombardeer word met sogenaamde “bewyse” van onwaardigheid, word die frustrasie op die eie persoon gerig. Hul eie liggame word die ontvanger van hul emosionele pyn. Allerhande vorme van selfdestruktiewe gedrag as gevolg van hierdie selfgerigte woede kom in ’n verskeidenheid vorme voor.

Depressie

Emosioneel mishandelde mense is platgedruk en oorgeneem deur die oortreder se eie onbeheersde emosies en gedragsreaksies.

Dit verg geweldig baie energie vir die emosioneel mishandelde om bo te bly en verval maklik in depressie. Om vry te kom van woede, vrees, skaamte en skuld, word alle emosie afgesluit en dikwels op dwelms gesteun. Hulle onttrek na binne, sluit hulle af van ander en trek hulle hele wêreld na binne.

Woede-uitbarsting

Woede kan ook die roete van uitbarstings volg. Dit is egter nie die norm dat dit direk teen die oortreder geventileer word nie, maar meestal word hierdie woede na binne gerig. Wanneer dit na buite geventileer word, word dit eerder op ’n kind, familielid of ander verhouding gerig.

Om as gesonde, goed aangepaste volwassene te ontwikkel, het alle kinders nodig om te leer hoe om vrees, skuld en woede te hanteer. Dit is kragtige emosies wat baie positief in die leerproses toegepas kan word as dit korrek benut word. ‘n Gesonde vrees vir die regte dinge, ware skuld t.o.v. eie aandeel en gebalanseerde benutting van die energie van woede, kan met eerlike beoordeling en nuttige toepassing baie positief wees.

Volwassenes wat emosioneel mishandelde kinders was, het ‘n werklike problem om vrees, skuld en woede te hanteer. Hulle is rigtingloos in die lewe, hulle volwasse verhoudings word gekenmerk deur mishandeling; hulle het onverklaarbare fisieke simptome; hulle ervaar geestelike isolasie van alles.

Rigtingloos

Mense wat uitsonderlike emosionele mishandeling of emosionele verwaarlosing beleef het, het geleer dat hul aksies negatiewe gevolge het en as volwassenes sukkel hulle om besluite te neem en op te tree. Hulle is hoogs bevoegde mense wat onder die misverstand leef dat hulle bestem is om te misluk of dat sukses slegs deur perfeksionisme bereik kan word. Omdat perfektheid onmoontlik blyk te wees omdat selfs dit deur die oortreder afgekraak word, begin glo hulle, hul mislukking is verseker.

 

Verhoudings Kategorie