Wat min mense besef is dat, soos ek in "Die wonder van keuse - 14 Oktober" geskryf het, bestaan alles nie net uit teenoorgesteldes soos liefde en haat nie maar selfs dit bestaan afsonderlik ook uit teenoorgesteldes en haat selfs God (Verkeerde dinge) en het die duiwel ook lief, homself.

Liefde dus kan ook ons vriend of vyand wees afhangende van ons KEUSE van hoe ons dit gebruik.

In talle movies gebruik die skurke juis liefde om iets te vermag, as hefboom om iemand te dwing om iets te doen wat hy/sy andersins nooit sou doen nie en liefde het die vermoê om selfs CHRISTUS te breek ondanks Sy ongeëwenaarde krag en mag. Nie eens die duiwel kan enigiets aan Christus doen nie want die liefde van God en Christus self is te sterk, MAAR dit is SO sterk dat, as Christus byvoorbeeld deur God verstoot word, dit juis die krag van die liefde is wat Christus sal breek want net soos God liefde is, bestaan Christus uit liefde en daarsonder.....

Dit sal akkuraat wees om te se ware liefde kom van twee kante af maar in die volle prentjie is ware liefde in werklikheid 'n DRIEKHOEK.

Van een persoon se kant af is die liefde sonder standvastigheid en in meeste gevalle 'n vyand wat diep kan afbreek en wond.

Van twee persone se kant is die liefde standvastig en 'n vriend wat opbou en krag gee maar tog steeds 'n moontlike vyand soos in die geval van Bonnie en Clyde wat hulle liefde vir mekaar bo alles en almal gestel het.

Met twee mense wat mekaar liefhet en God as die ander punt van 'n driehoek is dit dan eers perfek want slegs God dien as ware standvastige en stabiliserende faktor vir ons menslike swakheid.

As voorbeeld vir bogemelde kan ek die grootste liefde in die wereld vir iemand hê en die persoon vir my maar as daardie persoon iets oorkom het JUIS daardie uiters kragtige liefde ook die vermoë om my te breek, verwoesting orals om my te saai en is dit slegs die krag en genade van God as ander punt van die driehoek wat mens staande kan hou.

Per slot van rekening is GOD liefde, en is liefde sonder God dus nie ware liefde (geestelik) nie maar 'n selfsugtige, vleeslike liefde.

Liefde vir iemand kan dus 'n vriend of vyand wees afhangende van ons KEUSE of ons daardie liefde gebruik om op te bou, sterk te wees en op God te vertrou, of ons dit gebruik om af te breek, swak te wees en op onsself en aardse dinge te vertrou.

Daaraan dan kan ook liefde geoordeel word, of dit afbrekend is of opbouend.

Presies nou is ekself in 'n situasie waar juis LIEFDE 'n vyand kan word, dreig om myself en iemand wat ek liefhet te breek en ek HET amper gister gepos "Hoeveel kan EEN mens, alleen, verduur", maar alhoewel ek nie 'n "godsdiensdweper" is nie, beskou ek myself tog as iemand wat God liefhet as driehoek in my lewe, want ek lewe vir liefde, en God is liefde.

Daarom dan het ek hierdie artikel geskryf, sodat dit my ook herinner en sterk maak sodat ek die liefde JUIS kan gebruik as opbouende krag en vriend in plaas van as afbrekende vyand. Nie net vir MY nie, maar ook elkeen wat hierdie lees.

Opgedra aan my ma en iemand spesiaal wat ek so lief gehad het en nog het, dat juis dit my krag gee om enigiets te verduur, nader aan my God te wees en waardig God en hulle liefde te lewe, in woord en daad.

Verhoudings Kategorie