Onthou ek is DOOF en kommunikasie is 'n dowe persoon se "gestremdheid" en ELKEEN van julle behoort dus baie beter te kommunikeer as ek.

Hierdie is 'n uitdaging aan almal om eerstens vir my te se of kommunikasie in verhoudings as volg behoort te wees of nie en tweedens om vir my te se of jy of enigiemand wat jy ken dit doen want volgens MY ervaring is dit bitter baie skaars.

Een van die belangrikste aspekte van kommunikasie wat dikwels genoem word is om eerlike en reguit te praat en te LUISTER maar alhoewel dit waar is, dink ek die belangrikste punt word misgekyk.

Kommunikasie in verhoudings is 'n daad waarin elkeen van hom/haarself aan die ander gee.

Selfs al praat twee mense dae lank aanmekaar op elke manier en oor alles denkbaar, maar hulle deel NIE hulle diep, innerlike gevoelens met mekaar nie, dan GEE hulle NIE iets van hulself aan mekaar nie.

Om iets van jouself aan die persoon wat jy liefhet te gee is om OOK jou innerlike gevoelens, jou geluk en ongelukkigheid, jou vrese, bekommernisse en drome, kortom sommer jou hartsbegeertes en alles wat in jou hart aangaan, met sodanige persoon te deel.

In 'n verhouding is twee mense wat mekaar liefhet veronderstel om EEN in hart en siel te wees en die enigste manier om waarlik een te wees is om dit wat binne mens se hart en siel aangaan met mekaar te deel want daarsonder is dit bloot twee aparte mense gebind deur 'n verhouding of huwelik wat so baie maklik uitmekaar kan dryf.

Meeste mense is huiwerig om oor VERAL die "negatiewe" dinge te gesels maar die ironie is dat dit JUIS dit, oor die "negatiewe" dinge gesels, is wat die waardevolste en belangrikste van ALLES is om van jouself te gee en 'n verhouding te bou en te laat bly groei.

Met die positiewe dinge, ek voel gelukkig, ek is lief vir jou, geen worry in die wereld nie, is dit maklik om te deel en moeilik vir die duiwel om twyfel en onsekerheid te saai, maar met negatiewe dinge, ongelukkig voel, bekommernisse, onsekerheid, stres, dinge van die verlede en so aan, is dit moeilik om te deel en JUIS dan ook so baie, baie makliker vir die duiwel om dit te gebruik om twee mense uitmekaar te dryf.

Die beste wapen daarteen is dus om JUIS en VERAL oor die negatiewe dinge, dit wat jou pla en so aan te gesels met die een wat jy liefhet, hom/haar 'n kykie in jou hart en siel te gee sodat julle mekaar deur en deur kan ken en verstaan en die duiwel sy gat kan gaan lek.

Mense is en bly mens en sondig en maak foute en is nie altyd "perfek" nie en om OOK dit met mekaar te deel bind dit julle nog MEER saam as EEN.

Dink maar so bietjie aan al die mense wat jy ken en jou gevoelens en jy sal SIEN dat dit daardie mense is wat al van hulle "negatiewe" dinge met jou gedeel het, met wie jy al saam verkeerde dinge gedoen het, daardie MENSLIKE mense is, teenoor wie jy die sterkste voel en die teenoorgestelde geld vir meneer en mevrou perfek.

Kommunikasie in verhoudings is om byvoorbeeld sonder huiwering en maklik te kan vra "Wat is fout skat? Die afgelope tyd soen jy my nie meer nie" en die ander een op die beurt eerlik en reguit se hy/sy het 'n gemors gemaak en worry baie daaroor of so iets.

As die een nie die vrymoedigheid het om te vra nie laat dit die deur oop vir die duiwel om onsekerheid en twyfel te saai en as die ander een nie eerlik en reguit daarop antwoord nie en se niks is fout nie gebeur dieselfde selfs al was sy/haar bedoeling om die ander een die worry te spaar want onthou die twee is veronderstel om EEN te wees en saam ALLES te deel, nie net sekere dinge nie.

'n Perfekte verhouding is nie 50/50 nie, dit is 100/100 waar elkeen 100% van hom/haarself gee en om sekere dinge uit te laat, nie te deel nie, gee mens NIE 100% van jouself nie en bou dit momentum om daardie persentasie wat mens wel gee en deel voortdurend te laat krimp tot daar niks meer oor is om te gee en deel nie.

Werklike perfekte kommunikasie in 'n verhouding is om met mekaar te kommunikeer asof GOD SELF daar is en mens lieg en steek nie weg voor God nie of hoe. Trouens, God is liefde en God is waar twee of meer in SY NAAM vergader en as twee mense in liefde met mekaar kommunikeer, dan IS God in werklikheid ook daar teenwoordig MITS altwee dit besef en dienooreenkomstig daarvolgens met mekaar (en God in hulle midde) kommunikeer.

Laastens behoort kommunikasie in 'n verhouding nie net in woorde van persoon tot persoon te wees nie, maar van hart tot hart en siel tot siel, twee mense deur liefde gebind as een.

Verhoudings Kategorie