Die volgende stuk is min of meer in lyn met die vorige pos, "Denkwyses en besluite" van 24 Junie.

Ek het in 'n min of meer middelklas, gelowige en stabiele huis en omgewing grootgeword, op 10 jaar doof geword en eers in die koshuis en daarna as 'n gestremde en met 'n wye boeke, kennis en ervaringsveld wat dikwels so "vreemd" of toevallig was dat my dogter al gese het pappa se lewe is soms erger as 'n movie.

Een ding wat ek baie beslis geleer het is om nie te oordeel nie, nie net omdat die Bybel dit se nie maar ook omdat ek die vermoë het om uit verskillende perspektiewe na dinge te kyk en terdeë besef dat daar baie verskillende perspektiewe en realiteite is en realiteit trouens van persoon tot persoon verskil.

As iemand wat vir liefde lewe gee ek om, help en gee liefde waar ek kan selfs al het ek dit nog feitlik nooit self gekry nie (Tot baie onlangs toe ek min of meer my "ander helfte" ontmoet het - Breë Smile)

Maar tog het ek ook die ander kant leer ken soos wat hierdie giftige verhoudings blad van getuig. Mense wat nog nooit werklik liefde en omgee in hulle lewe gehad het nie, mense wie se kinder- en selfs grootmens lewe presies die teenoorgestelde was. 'n Vrou wie se ma nog nooit gesê of gewys het sy is lief vir haar nie en eers toe haar ma in haar arms sterf die eerste keer gesê het sy is lief vir haar. 'n Vrou wie se ma en niemand ooit genoeg omgegee het nie en wie se huwelik 'n weerspieling en voortsetting van dit ook is. Wat sê sy KEN nie van liefde kry nie, omgee vir haar nie.

Wie van julle "normale" mense weet van en ken die lewe van swaarkry waar elke dag, van kleins af, 'n styd was en steeds is om kos te kry, waar jou denke feitlik voortdurend rondom geld vir kos kry draai, honger kinders voed? Mense vir wie 'n voertuig, 'n vakansie of nuwe klere of kaste vol kos 'n luukse is waarvan nie eens gedroom word nie want hoe kan jy van 'n R500 restaurant ete droom as jy so dikwels selfs net dankbaar sal wees vir 'n snytjie brood.

Wie ken die lewe van iemand wat verslaaf is aan dwelms of pille of kan ek selfs se "verslaaf/gewoond" aan 'n lewe van baklei, van kwaad gaan slaap, van drank, mishandeling, seerkry, liefdeloos deur die lewe gaan of so iets?

Net soos die meeste van ons, ons NIE so 'n lewe KAN indink nie en vinnig kan oordeel en veroordeel, net so KAN sulke mense hulle NIE 'n lewe soos "ons" normale lewe indink nie. Kan hulle nie so maklik, soos ons dink, uit dit ontsnap nie want eerstens is die 'n "verslawende" gewoonte, tweedens is dit AL WAT HULLE KEN en daarom dan, derdens, is daar geen of bitter min "vergelyking" wat hulle kan gebruik om hulle aan te spoor tot "iets beters" nie. Trouens, selfs ons "gewone" mense kan ook nie onsself eens indink hoe dit moet wees om soos koninglikes te lewe nie so laat staan nog "daarna strewe".

Die probleem is hoofsaaklik perspektief en realiteit want vir 'n honger mens is die enigste realiteit om iets te kry om te eet en is 'n bord restaurant kos of kaste vol kos eenvouding net nie iets wat binne sy realiteit van omstandighede val nie, laat staan nog 'n huis, meubels, swembad, luukse 4x4.

Met liefde is dit ook maar dieselfde waar 'n mens SO GEWOOND geraak het aan die krummels of selfs niks, dat DIT, 'n gebrek aan liefde en omgee eenvoudig net die realiteit van sodanige persoon se lewe is, net soos LIEFDE en daarvoor lewe, 'n realiteit van MY lewe is en die twee is werelde van mekaar verwyderd.

Om van jou realiteit of selfs die verskillende realiteite van JOU lewe en JOU wereld te ontsnap is feitlik onmoontlik binne die perspektief en realiteit van JOU lewe en dit is waar denkwyses en besluite inkom deur van verskillende perspektiewe na dinge te begin kyk, iemand of 'n ander realiteit te leer ken en daardeur stelselmatig deur jou denkwyses en besluite jou perspektief te verander en daarmee saam JOU REALITEIT te verander en te verbeter.

Dit dan is ook waar die krag van liefde inkom want alleen, sonder liefde, bly 'n mens vasgevang in sy eie realiteit maar deur liefde, iemand anders, word 'n brug gevorm van een realiteit na die ander en met liefde by, is dit feitlik altyd ten goede.

Die Bybel se "Jy is wie jy is" en dit dan is ook die werklikheid en realiteit van jou lewe want jy IS letterlik wie jy DINK JY IS en deur anders te dink en te besluit word dan ook 'n mens se perspektief en realiteit verander en word jy wie en wat jy dink jy is.

Dit op die beurt hang af van twee dinge. Eerstens die eie ek, alleen as mens en sonder liefde en tweedens met liefde by. Alleen, staan jy letterlik alleen met jou eie, beperkte realiteit maar met die liefde, omgee en ondersteuning van ander staan jy nie alleen nie en het nie net die liefde, omgee en ondersteuning van iemand anders nie, maar OOK van God self, want God is liefde en dit op die beurt, staan vir alles wat goed en positief is.

Verhoudings Kategorie