Nou kyk, ek is 'n man en mal oor die vroulike geslag van klein tot groot en gaan so bietjie "baklei" om die regte redes want julle stel my dikwels teleur en ek verwag beter van julle. Ek WEET ons manlike geslag het 'n skroefie of twee los maar dit kan meestal slegs deur 'n paar harde klappe van die lewe reggestel word so ek gaan miskien eers later so 'n paar klappe uitdeel.

Visualiseer 'n bietjie een van die dogtertjies wat jy ken, daardie skatlike bondeltjie vreugde wat so spontaan liefde gee en ontvang, haar poppies of troeteldier soos 'n moeder vertroetel en tog hand en tand kan baklei vir haar maatjies en die wat sy liefhet.

Vir my is sulke dogtertjies die toonbeeld van God (en God is Liefde) in die mens en ek sal nooit genoeg kan kry van die spontaniteit waarmee hulle 'n drukkie kan gee of ontvang nie, van die sigbare vreugde as jy hulle komplimenteer of iets vir hulle gegee of gedoen het nie. Ek kan nie genoeg kry van die liefde en reinheid wat uit hulle straal nie en trouens, ek het al baie keer GEVOEL hoe vrede en krag letterlik uit so 'n klein lyfie na my kan oorspoel.

(Die eerste keer dekades gelede. Geskei, vrou en kinders weg, probleme orals, lang pad geloop om by vriende te kuier en liggaamlike en geestelik so moeg dat ek gevoel het ek kon sommer net gaan staan en nie 'n hel omgee of ek doodgaan of nie. Hulle pragtige sowat 4 jarige blondekoppe het uitgestorm toe ek by die hek inkom en my omhels toe ek op my knee neersak en minute lank doodstil so gestaan terwyl ek letterlik die krag in my voel vloei en toe ek opstaan gevoel het of ek berge kan versit)

Moeders, die krag en lewe van ons volk, enige volk, is ook veronderstel om so te wees. Soos Christus en 'n klein dogtertjie, sag, liefdevol, 'n omgee mens maar tog ook sterk sodat selfs die duiwel nie teen hulle kan staan nie want dit is juis daardie liefde, God in hulle en sagtheid, wat hulle sterkste wapen is waarmee enigiets oorwin kan word.

Wat, wil ek nou baklei en vra, het daarvan geword in heeltemal TEVEEL vrouens van vandag?

Die swaarkry, seerkry, omstandighede en ander mense het julle uit selfverdediging harder gemaak ja maar dit is twak en julle bagasie wat JULLE SELF SAAMDRA wat die uiteindelike rede is dat die sagtheid, liefde en omgee diep in julle harte toegesluit is en dit is verkeerd want dit dryf julle weg in plaas van nader aan God en dit en wat julle is.

Mishandeling, misbruik, verkragtiging, drank, dwelms, seer en swaarkry en dalk selfs 'n psigopaat was dalk die OORSAAK ja maar God en sy liefde is IN JOU en deur JOU en daar is geen sterker en genesende krag as DIT in die hele heelal nie en dit is JUIS DIT wat jy dan toegesluit het in plaas van om dit te gebruik ter genesing en om God, en dus ook LIEFDE, bo alles te stel.

Alles kan van 'n mens weggevat word maar God, liefde en jou GEES is die EEN ding wat niemand, nie eens al die magte op aarde of die duiwel self, van 'n mens kan wegvat nie behalwe daardie mens self en DIT is presies wat die duiwel in teveel gevalle reggekry het, om jou liefde, gees en God in jou hart toe te sluit.

Stel jou hart, jou liefde, gees en God vry en word weer soos 'n dogtertjie sonder die bagasie van die lewe want soos die Byel sê aan diesulkes behoort die Koningkryk van God want ook ons, die mans, die kinders, die samelewing en God het jou nodig.

(Bygevoeg)

Moet jouself nie bluf dat alles in jou hart reg is met God as jy haat, 'n wrok of onvergewensgesindheid in jou hart ronddra nie want sulke dinge is sigbaar in dade van afsydigheid, wegstoot, onbarmhartigheid en 'n "just live from day to day en the hell with the rest" houding.

Dink mooi. Natuurlik weet en verstaan ek hoe sleg en boos die lewe 'n vrou kan behandel, maar daardie vrou doen haarself, God, kinders en almal rondom haarself amper net so 'n groot onreg aan deur toe te laat dat dit haar oorheers, oorrompel en verander ten koste van JUIS haar eie geliefdes en haarself.

Vra jouself ook of God dit oor jou laat kom het sodat jy 'n martelaar en gebroke mens word en bly, of het Hy dit dalk nie toegelaat sodat jy as OORWINNAAR kan uittree en daardeur soveel meer vir jouself, jou geliefdes, naaste en God self kan beteken nie? Is DIT nie waarvoor HY wag sodat Hy JOU gebede, deur jouself, kan beantwoord en volbring nie?

Verhoudings Kategorie