Liefde en gelukkig wees, haat en ongelukkig wees is van die sterkste en teenoorgestelde emosies wat daar is maar kom ons kyk bietjie wat dit regtig is.

Liggaamlik beskou is emosies en gevoelens blote chemiese reaksies in 'n mens se liggaam wat deur die afskeiding van verskillende hormone en chemiese stowwe veroorsaak word op grond van wat in 'n mens se onderbewussyn en bewuste denke aangaan. Vrees skei adrenalien af wat as "boost" dien om die situasie die hoof te bied, begeerte skei hormone af om mens se liggaam gereed te kry en so aan. (Meeste medikasie is of aanvulling, of vermindering of aktivering van sodanige chemiese stowwe in 'n mens se liggaam)

Daar word gesê dat daar baie fyn lyn is tussen liefde en haat en dit is omdat beide die sterkste emosies is en liggaamlik daar feitlik geen verskil tussen die twee is nie en 'n mens met dieselfde graad van intensiteit en gevoelens optree met beide haat en liefde. Iemand wat so-so liefhet, sal so-so haat, en iemand wat intens kan liefhê, sal intens kan haat.

As jy iemand baie liefhet en daardie persoon verkrag en vermoor jou kind, sal daardie gevoel van liefde binne 'n minuut in haat omskakel want die krag van die emosie en gevoel bly dieselfde, maar in jou KOP en jou gedagtes is die "gevoel" of liewer "geloof" van liefde vervang met haat en VOEL jy dienooreenkomstig.

Die rede vir hierdie artikel is egter gelukkig of ongelukkig wees want 'n mens is verantwoordelik vir jou eie geluk of ongeluk.

'n Mens kan selfs in die perfekste omstandighede ongelukkig wees en in die slegste omstandighede gelukkig wees want geluk of ongeluk is nie WAT rondom jou gebeur nie, maar HOE jy daaroor voel op die oomblik. Wat in jou GEDAGTES en onderbewussyn aangaan op die oomblik want DIT op die beurt, sal onbewustelik die nodige hormone en seine en watookal in jou liggaam vrystel om die nodige chemiese reaksie te laat plaasvind om DAARBY AAN TE PAS.

Dink bietjie hoe die Bybel sê God is in ons. Nou, as jou vinger gesny is of jy het 'n virus, dan begin die onderbewussyn die nodige witbloedselle en ander dinge afskei om die wond te genees of die virus te beveg. Jou liggaam temperatuur klim en jy word koorsig om die kieme te vernietig en in die geval van 'n ernstige wond verdoof die brein letterlik die liggaam deur byvoorbeeld skokreaksie om die onmiddelike invloed op jou as mens te beperk.

So, as selfs fisiese skade aan jou liggaam genees kan word, WAT dan van die emosionele sy waar jy letterlik deur jou BEWUSTE denke en gedagtes, jou emosies kan verander en beheer? MOET 'n man wat jags raak, NOU gemeenskap kry ongeag wat, of kan hy dit onderdruk? MOET jy nou ongelukkig voel deur optrede van ANDER, of kan jy dit bloot deur jou bewuste denke onderdruk deur byvoorbeeld op die positiewe te fokus.

Ek het hierdie begin skryf nadat, na soveel ander kere, dit moontlik is dat ek weer iemand gehelp het wat dit nie werd is nie (dit is nie moeite werd om iemand te help wat nie gehelp WIL word nie) maar, in plaas van negatief en ongelukkig voel (al sukkel ekself BAIE, glo my) het ek dit bloot op agtergrond geskuif en fokus op die positiewe want ek het gehelp met skoon en rein gewete en wat daarmee (daarna) gebeur, is nie MY saak nie, maar saak tussen die persoon en God en buitendien help elke geval my om volgende keer beter te onderskei tussen die kaf en die koring en in MEER verdienstelike gevalle te help en... ag tog, as mens net wil, kan daar sommer baie positiewe dinge in enige negatiewe situasie gesien word.

Dit is nie ons omstandighede in die lewe wat ons gelukkig of ongelukkig maak nie, maar ons HOUDING teenoor die lewe. As simple as that.

Dit is terloops ook nie net blote gedagtes en denke nie maar die werklike DAAD agter die geloof voeg. 'n Glimlag, 'n grappie of twee lees en lag, met iemand gesels wat jou goed laat voel, bietjie buite na die blomme of lug gaan kyk want geloof sonder die daad is nutteloos en die Bybel se mens kan nie keer dat voeltjies oor jou kop vlieg nie (negatiewe, maar kan OOK positiewe gedagtes wees) maar jy kan keer dat hulle nes maak op jou kop, of jy kan dat positiewe gedagte oor jou vlieg, maar dan nes maak daarmee, of nie.

Gelukkig of ongelukkig wees beteken ook nie omstandighede aanvaar en niks daaraan doen nie. Jy hoef NIE gelukkig te wees dat jy in die modder is nie, maar jy kan gelukkig wees dat jy in die modder staan en nie le nie. Jy hoef nie gelukkig te wees dat jy nou sukkel en swaarkry nie, maar jy kan gelukkig wees omdat jy ten minste hoop en geloof het in more, in dat dit wat jy doen, jou uit die swaar en sukkel SAL kry.

Positiewe gedagtes kweek positiewe dinge waarvan sommige dinge soos emosies dadelik kan opspring maar ander dinge soos jou duim gesond maak tyd vat terwyl negatiewe gedagtes negatiewe dinge kweek en jy kan jouself siek DINK as jy hard genoeg glo jy is dodelik siek en niks sal help nie, en dus bewustelik jou onderbewussyn en liggaam se genesende aksie blokkeer en letterlik omdraai.

Om 'n kwaai scenario te gebruik WAT kan positief daaraan wees dat my kind doodgery is?

Ek sal eerder dit verkies, as dat my dogter soos Jasmine verkrag en vermoor word. Ek sal eerder dit verkies as dat sy in die hande van 'n psigopaat beland of dat sy gruwelik geskend en gemartel word. Ek sal eerder dit verkies, as dat iemand naby aan my haar verkrag of vermoor of dat EK dit self doen. Dit is nie 'n slegte daad goedpraat nie, maar die positiewe probeer sien want God weet wat hy doen en met Jasmine as voorbeeld, as haar leiding en dood selfs net 10 ander dogtertjies van dieselfde lot red, of haar van 'n nog veel erger leiding waar sy vir jare verkrag en vernietig kon word voor sy vermoor word, dan kan mens "berusting" vind en op die positiewe eerder as negatiewe fokus.

God is in jou en sy krag en almag word in werking gestel deur JOU gedagtes en denke en die uitvoering daarvan in daad, iets DOEN en om blote chemiese reaksies in jou liggaam te laat PLAASVIND "behoort" eintlik baie, baie maklik te wees as dit nie vir jare van die samelewing, mense en lewe se negatiewe breinspoeling was nie.

Verhoudings Kategorie