Wanneer mense probeer om uit te vind wat om te glo en te verduidelik hoekom, spandeer hulle nie juis baie tyd aan die fondamentele natuur van die waarheid en werklikheid nie en dit is kennis en daarin skiet ons ver te kort en NIEMAND op aarde kan werklik daarop aanspraak maak dat iets wat HY glo, die algehele waarheid en werklikheid is nie.

Trouens net soos alle mense nie te lank terug nie geglo het die aarde is plat, net so kan iets wat ons almal glo oormore of volgende jaar verkeerd bewys word soos as "Aliens" by ons land of 'n engel uit die wolke verskyn of daar 'n wêreld oorlog of vernietigende plaag uitbreek.

Daar is eintlik nie eens 'n ware wêreld nie want ELKEEN van ons leef in sy EIE wêreld en is dit jou son, jou huis, jou vrou, jou kind, jou boom en hond maar as jy doodgaan, is JOU wêreld weg en bestaan dit nie meer nie, tog is die son, die huis, die vrou, die kind, die boom en hond nog daar.

Jou wêreld bestaan uit wat JY sien, hoor, voel, ervaar en geleer het jou hele lewe lank en dit is deel van kollektiewe wêrelde van die mense rondom jou, ryk of arm, wit of swart, afrikaner of engelsman, gelowig of ongelowig, AGS of Moslem, man of vrou want elkeen van die baie groepe het 'n invloed op JOU siening van die wêreld rondom jou.

Selfs 'n man en vrou wat 50 jaar getroud was sien die wêreld anders as die ander een. Daar is baie ooreenstemming ja maar netsoveel verskille in hulle wêrelde want 'n man KAN nie dinge soos 'n vrou sien nie en omgekeerd, 'n harde of trotse mens kan nie dinge op dieselfde manier insien as 'n sagte of nederige mens nie en dan verwys ek boonop na die "goeie" hard of trotse soort, laat staan nog die negatiewe soort terwyl sag en nederig goeie eienskappe is, eintlik trots en soms hard wees ook, maar is dit?

Die enigste ware manier om agter die waarheid en werklikheid te kom is om te vra hoekom, om te leer, na te vors, dieper en dieper te gaan maar dit kan 'n leeftyd vat en selfs dan kan mens dalk nog steeds nie by die waarheid uitkom nie en dit is dan ook daarom dat die Bybel sê nie eens Christus oordeel nie en dat net God mag oordeel.

Die probleem is egter dat ons wel soms moet "oordeel" in terme van vir onsself probeer uitvind en besluit wat die waarheid is en nie in terme van veroordeel nie.

Slimheid of kennis alleen is op sigself nie genoeg nie en wat nodig is, is wysheid want 'n werklik wyse mens is slim genoeg om te besef dat ook hy verkeerd kan wees en is dus nederig, bereid om sy eie mening te bevraagteken en na die menings van ander te luister en hulle standpunte te probeer insien.

Voor ons dus kan inmeng in ander mense se lewe en kan oordeel EN veroordeel moet ons ook na onsself kyk, na die moontlike balk in ons eie oog waar ons self dalk nog groter sonde pleeg of verkeerd doen as die wat ons so maklik veroordeel want elke mens op aarde het die goeie sowel as slegte binne in hom en as iemand nie altwee het nie, is hy nie 'n mens nie.

Se Christus dan nie daar is niemand regverdig nie, selfs nie een nie en met die maat waarmee jy meet sal jy mee gemeet word.

Waarmee behoort ons dan te meet anders as deur kennis, te luister en te leer, maar veral om wys genoeg te wees om ook ONS standpunte en geloof in iets daarvolgens te wysig en dan miskien te oordeel, maar nooit te veroordeel nie want ons SAL ALTYD ten dele ken, net soos ook ander onsself slegs ten dele ken.

Verhoudings Kategorie