“Hulle verstaan nie die impak van die leed wat hulle ander aandoen nie en gee ook nie om nie.”

Het oor die algemeen ’n gemiddelde en selfs bogemiddelde intelligensie.“Dis wat hulle so gevaarlik maak.”

Hulle aanvaar nie verantwoordelikheid vir hul oortredings of foute nie, maar blameer ander daarvoor.

Ander eienskappe sluit swak selfbeheersing, narsisme (patologiese selfliefde) en onverantwoordelikheid in.

Gewoonlik oor ’n tydperk sosiale norme en sommiges is meester-manipuleerders.

Gebrek aan berou en empatie.

Hulle lewensmaats word emosioneel afgetakel en in die meeste gevalle ook fisiek mishandel.
Indien slagoffers iets doen wat teen die sin van die betrokke psigopaat is, sal hy of sy (die psigopaat) heeltemal oorreageer en die betrokkene in ’n kamer toesluit of ’n vuurwapen op hulle rig.

Die psigopaat manipuleer sy of haar slagoffer oor ’n lang tydperk en kry so beheer oor die persoon.

Hulle sal moeite doen om die betrokkenes se selfbeeld af te breek en vir hulle gereeld sê hoe vet of sleg hulle is.

Dit is bitter moeilik om heeltemal uit die kloue van ’n psigopaat te kom.

Psigopate is soos wolwe in skaapklere wat ’n masker van normaliteit voorhou.

Die manipulerende psigopaat wat besonders vriendelik, sjarmant en spontaan sosiaal inskakel. Hy wek die indruk van innemendheid en doeltreffendheid. Hy beïndruk mense en wanneer hy hul vertroue gewen het, misbruik hy die mense tot sy eie voordeel.

Die aggressiewe psigopate met ‘n lae frustrasietoleransie wat reageer met aggressie en opstandigheid.

Wanneer dinge nie na hul sin gaan nie of hul behoeftes word nie onmiddellik bevredig nie, reageer hulle met woedeuitbarstings en opstandigheid.

Hulle is gladde bekke met ‘n byna demoniese vermoë om mense te oorreed om van al hul besittings afstand te doen. Hulle is welsprekend en onweerstaanbaar.

Hoe om ‘n psigopaat te herken

Waarskuwingsligte moet begin flits as jy drie of meer eienskappe op dié lys kan aftik, veral as dit voor die ouderdom van agttien voorkom.

Versuim om aan sosiale norme te voldoen. Is die persoon eiewys en ongehoorsaam, met onbeheerbare gedrag? Is daar ‘n gebrek aan respek vir gesag?

Leef hy volgens sy eie reëls?

Bedrieglikheid, manipulering, oppervlakkige sjarme. Is die persoon ‘n patologiese leuenaar? Draai hy ander mense om sy pinkie?

Impulsiwiteit, versuim om vooruit te beplan. Het die persoon ‘n gebrek aan realistiese langtermyn-doelstellings? Vind hy dit onmoontlik om ‘n werk langer as ‘n paar weke te hou?

Prikkelbaarheid, aggressie, woede-uitbarstings. Kry hy woedebuie en skielike gewelddadige aanvalle? Raak hy omgekrap as hy nie kry wat hy wil hê nie?

Onverskillige verontagsaming van veiligheid. Kry hy bevrediging uit waaghalsige toertjies waarvoor hy nie opgelei is nie? Vang hy onnosele dinge aan?

Hy dink hy is beter as ander mense. Is daar ‘n gevoel van eiegeregtigheid? Glo hy vas hy “verdien” geld of statussimbole?

‘n Parasitiese lewenstyl. Teer hy op ander mense? Pleks daarvan om vir iets te werk, kry hy dit deur emosionele afpersing?

Gedurige onverantwoordelikheid. Weier hy om verantwoordelikheid vir sy eie dade te aanvaar en is daar altyd verskonings? Is alles wat verkeerd loop iemand anders se skuld?

Gebrek aan berou nadat hy iemand anders seergemaak of sleg behandel het. Gee hy nie vir ander mense om nie, nie eens sy eie familie nie?

Rondslapery. Gaan sy lewe net oor kortstondige flirtasies en is daar geen langdurige verbintenisse nie? Is hy nie in staat om ‘n standvastige verhouding met ‘n ander persoon te skep nie?

Verhoudings Kategorie