Oor die algemeen beskou mense emosionele, geestelike en sielkundige aftakeling en mishandeling as 'n giftige en ongesonde verhouding.

Bogemelde is egter giftige verhoudings in ernstiger graad en daar is baie ander "giftige" verhoudings wat ongesond is en die maatstaaf waarteen dit gemeet moet word is in HOE 'n mate die verhouding jou as mens, sowel as jou kinders, opbou of afbreek of bloot net laat stagneer in 'n dag-tot-dag bestaan.

Ek dink nie dit is werklik moontlik om enige "riglyne" te stel met betrekking tot sodanige maatstaaf nie omdat elke persoon vir homself moet besluit wat is die beste maar wil tog 'n paar dinge deel.

'n Sekere persoon is al baie jare getroud maar vasgevang in 'n giftige verhouding waaruit sy sal MOET loskom ter wille van haarself en die kinders (4) selfs al is daar geen sprake van enige vorm van mishandeling nie.

Die probleem is dat sy 'n baie sterk persoonlikheid het teenoor 'n swakkeling man en om hom "tevrede" te stel is sy TE onderdanig geword tot op die vlak waar "sy" heeltemal verdwyn in sy teenwoordigheid. Sy sal met mense lag en gesels en met kinders speel maar sodra hy inkom is nie eens die kinders meer van belang nie.

Hy aan die ander kant voel dit aan en dit veroorsaak 'n situasie waar die twee bymekaar die negatiewiteit in mekaar na vore bring wat NIE teenwoordig is weg van mekaar nie en gebruik hulle feitlik hulle hele huwelikslewe dwelms om van die werklikheid te ontsnap en ly die kinders geduring honger en het hulle feitlik niks.

Terwyl hulle saam is KAN hulle nie van die spiraal wegbreek nie en dit is 'n giftige verhouding wat veral die kinders se lewe en toekoms erg benadeel.

Uit bogemelde behoort dit duidelik te wees dat veral die kinders se welsyn en toekoms baie swaar te weeg indien 'n verhouding beoordeel word.

Per slot van rekening gaan dit NIE net oor die verhouding tussen man en vrou nie, maar ook oor watter invloed dit op die kinders se lewe sowel as hulle toekoms sal hê.

Verhoudings Kategorie